२१ मार्च : बैतडी लगायत देशभर जातीय विभेद उन्मुलन दिवस मनाइयो

बैतडी-२१ मार्च अर्थात् अन्तर्राष्ट्रिय जातीय विभेद उन्मुलन दिवस बैतडी लगायत देशभर विभिन्न कार्यक्रमको आयोजना गरि मनाइएको छ । संयुक्त राष्ट्रसंघले सन् १९६५ मा जातीय तथा रंगभेद उन्मूलनसम्बन्धी महासन्धि पारित गरेको दिनको सम्झनामा हरेक वर्ष २१ मार्चलाई विश्वभर जातीय विभेद उन्मुलन दिवसकोरुपमा मनाउने गरिन्छ। बैतडीमा पनि दलित समाज विकास मञ्चले दिवसको अवसरमा विभिन्न कार्यक्रम गरेको छ।

जिल्ला प्रशासनको सहकार्य तथा दशरथचन्द नगरपालिकाको सहयोगमा मञ्चले बैतडी जिल्ला सदरमुकाम गोठलापानी देखि गढी सम्म ¥याली निकाल्दै गढी स्थित नगरहलमा अन्र्तक्रिया कार्यक्रमको आयोजना गरेको थियो । अन्र्तक्रिया कार्यक्रममा सहभागि दलित समुदायका व्यक्ति तथा सरोकारवालाहरुले अझैसम्म पनि अप्रत्यक्ष रुपमा दलित समुदायका व्यक्तिहरुले जातीय विभेदको सामना गर्नुपरेको दुखेसो गरेका छन् ।

कार्यक्रममा बोल्दै दशरथचन्द नगरकार्यपालिका सदस्य प्रेम दयालले अझै सम्म पनि दलितमाथीको विभेद अन्त हुन नसकेको गुनासो गर्नुभयो । समाजमा दलितमाथी विभिन्न अपमानित शब्दहरु समेत प्रयोग गर्ने चलन रहेको उहाँको भनाई छ । समाजमा दलितको अर्थपुर्ण सहभागिता अझै हुन नसकेको दयालले बताउनुभयो ।

कार्यक्रमका प्रमुख अतिथी एवं नेकपा एमाले बैतडी जिल्ला इन्चार्ज लिलाधर भट्टले समाजमा रहेका सबै प्रकारका विभेद र असमानताहरु हटाउनु आजको आवश्यकता रहेको बताउनुभयो । हिन्दु ग्रन्थहरुमा उल्लेख भएका कुराहरुलाई अपव्याख्या गर्दै दलित समुदायका व्यक्तिहरुमाथी विभेद हुने गरेको उहाँले बताउनुभयो । हिन्दु धर्मले कर्मलाई प्रधान मानेको भएपनि समाजको विकासक्रमसंगै अपव्याख्या हुदै समाजका शासकहरुले कर्मको आधारमा विभेदको सुरुवात गरेको उहाँको भनाई छ ।

कार्यक्रमका सभाध्यक्ष एवं दलित समाज विकास मञ्चका सचिव बलभद्र दयालले दलित समुदायमाथीको विभेद अन्त आजको मुख्य आवश्यकता भएको बताउनुभयो । दलित समाज विकास मञ्चले आयोजना गरेको अन्र्तराष्ट्रिय जातीय विभेद उन्मुलन दिवसको सहकार्य जिल्ला प्रशासन कार्यालय, बैतडीले गरेको थियो । दिवस मनाउनमा दरशथचन्द नगरपालिकाले आर्थिक सहयोग गरेको दलित समाज विकास मञ्चका कार्यक्रम संयोजक सुरेश सेरलाले बताउनुभयो ।

https://www.facebook.com/badunari/videos/3912105262439353